Physical Address
304 North Cardinal St.
Dorchester Center, MA 02124
احمد : انا عايز اتجوزك
نهال ..؟؟
نهال : نعم !!
احمد : ردك ايه
نهال : لسه بتحبها ..؟؟
احمد : شيفاني وحش لدرجه اني ابص لصاحب عمري في حبيبته ..!!
نهال : قدرت تنساها بسرعه لانها حب اسبوع او كان مجرد اعجاب طيب انا !!
احمد : خلاص يا نهال انا فهمت قصدك اتفضلي انزلي انتي وصلتي
نزلت وكنت همشي ورجعت ليه تاني
نهال : الدبله عايزاها حلوه والدبله بتاعتك تكون لونها اسمر ، لو شوفتك بتبص لبنت تانيه هعلقك ، اه وانا مبحبش حد هنشوف هتقدر بقي تخليني احبك ولا لا ، وشوف هتقنع بابا ازاي.
باااي يا خطيبي المستقبلي
احمد
كان قلبي بيدق. جامد مع كل كلمه بتقولها كنت خلاص حسيت اني اترفضت بس في الاخر قبلتني انا فرحان لاني هكون معاها انا فرحان بيها اووي.
مصطفي : حنان افتحي
– لا وامشي لو سمحت عشان عايزه انام سلام
: حنان انا تعبت وعايز اطمن من ساعه ما ظهرتي ,وكل حاجه واقفه ضدي مش عارف اقرب منك ابداا , انا تعبت متسبيش ايدي في نص الطريق تاني.
– سمعت كلامه كله هوا ممكن اكون انانيه فعلا وبفكر في نفسي زي ماهوا بيقول بس هوا شك فيا ومينفعش يشك فيا اصلا.
شخابيط- حنان محمد
مصطفي : علفكره خيالك باين من ورا الباب
فتحت الباب – وعلفكره انت رخم
زقني ودخل
مصطفي : اعمليلي قهوه من ايدك بقي
– اطلع برا
مصطفي : مامتك فين عايز اطمن عليها
– نايمه امشي بقي
مصطفي : هدومي حلوه ..؟؟
– عاديه يعني ليه
: الورد حلو ، البرفيوم تمام ، طيب ايه رايك في البلونه ..؟؟
– مش حبيتهم ومش هاخدهم
: مش ليكي اصلا انا هروح اتقدم لواحده
– كرامتني يا جماعه كرامتي ضاعت ، تتقدم لمين يا عنيا !!
: لواحده حلوه وجميله
– اطلع برا
:وحشه وعصبيه
– اطلع بررررا
: فيه حاجه يا حنان مين حضرتك يا استاذ
مصطفي : انت اللي مين يا استاذ
: انا عمر جارها وانت مين بقي
مصطفي : حبيبي والله كان نفسي اقابلك من زمان ، انا خطيبها.
عمر بصدمه : انتي اتخطبتي ياحنان
مصطفي : انت مش مصدقني ..؟؟
عمر : انا عايز اسمعها هيا
– اه ياعمر اتقرا فتحتي
عمر : اه الف مبروك عن اذنك
شخابيط- حنان محمد
كنت عارفه ومتاكده من اللي هيحصل لو انا كنت قولت لا كان عمر هيتنقل للمستشفي ,اكيد لانه مفكر ان مدام احنا جيران يبقي لازم نحب بعض مصطفي.
لما كنت بحكيله عليه كان بيتعصب ,مابالكوا بقا لما شافه ولو كمل كلام معاه وعمر قالي اي كلمه دا هيكسره في بعضه.
مصطفي : انا هستنا ماما هنا لحد ما تصحا واتقدم.
– مش موافقه
: انا موافق ودا كفايه والله
– قهوه نهال لسه ساخنه
: اشربها يعني ..؟؟
– لا متستفزنيش عشان مش احرقك بيها
: عنيفه اووي يا بيبي
– وانت رخم اووي
فضلنا قاعدين وهوا يرخم وانا اضحك عمري ما كنت اتوقع اني هقعد معاه, ونتكلم ونهزر كدا انا مرتاحه اوي نسيت اللي عمله يمكن دا غلط ,ولازم اخد موقف بس محدش فاهم مصطفي اكتر مني فكره انه يتاسف دي لوحدها معجزه
مصطفي : بس القميص الاسود حلو
– وحش
: اوك يبقي حلو ، رجلك كويسه
– اه
: كدابه خليني اكشف عليها
– انت دكتور نفسي فوق يبابا
: بس دكتور
– قوم يابني متعصبنيش بالله بدل ما اقتلك
:ازيك يا طنط
– بصيت لقيت ماما صحيت ، يا واد يا مؤدب
: الف سلامه عليكي انشالله حنان ولا انتي
– انت عبيط يابني ..؟؟
: بهزر معاكي ياحنون ،
ماما : انت مصطفي
: اه
شخابيط- حنان محمد
قعدوا يتكلموا كتير وتقريبا نسيوا اني موجوده وامي نسيت انها تعبانه ما تتجوزيه ياماما بدالي
مصطفي : طيب بما اننا بقينا صحاب هاجي بكرا بقي اطمن عليكي
ماما : اتفقنا هستناك
-وانك تتقدم يااا ، وصلته ع الباب ومشي طيب البلونه طيب اعيط يلهووي ياماما
مصطفي : اه نسيت اقولك
– يافرج الله ، قول يا حبيبي
مصطفي : تصبحي ع خير
– غور يالا
مصطفي : ردي طيب
– امشي وارحمني ، ماما هوا مصطفي مش قالك. حاجه وانا بعمل القهوه
ماما : لا هيقول ايه يعني
– لا ولا حاجه انا داخله انام
كنت قاعده مخنوقه وشوفت رقمه بيتصل
-عايز ايه
: عايز اعرف سبتيني ليه
– ياااه لسه فاكر تسال
: لا بجد سبتيني ليه
– فاكر لما كنا بنتكلم وكنت كل مره تحكيلي ع بنت بتكلمك وازاي بتهتم بيك وازاي دخلت حياتك
: بس انا كنت بحبك انتي
– مره كنا بنتكلم وادايقت عشان كنت بترد عليها ,وبتتاخر عندي قولتلي وقتها ان هيا بتتحملك عني ومش بتتخانق معاها زيي هيا احسن مني ، انا يمكن كنت عايزاك بس مينفعش اخسر نفسي عشانك ، طلبت منك تسيبها قولت خايف تكسر قلبها ، فمشيت انا.
انت نمت
: انا اسف
– ولا يهمك عادي كل حاجه عدت وخلاص
: مش زعلانه مني خلاص
– مبقاش فيه وقت للزعل
: معاكي حق
لما عرفت ان نهال و احمد هيتخطبوا فرحت جداا ,كان لازم اكون مع نهال هيا جدعه ,انا عمري ما كان ليا صحاب الكلمه دي غريبه بالنسبالي ,وحسيتها لطيفه معاها
نهال : انا متوتره.
– ليه هوا هيقتلك اطلعي بس
نهال : الدبله في اليمين الدبله في اليمين
– اخلصي اطلعي مش هتنسي
كانت واقفه واحمد دخل ولما لفت ليه كان في عيونه لامعه حلوه تبين فعلا انه كان بيحبها
مسك ايدها وباسها
مصطفي : انا عايز ابوس زي الناس اللي هناك دي
– بس يبابا انت لسه صغير لما تخطب
مصطفي : طيب موافقه
– ع ايه
كان واقف وطلع من ورا ضهره بلونه مكتوب عليها بحبك وفيه دبله.
مصطفي ; تقبلي اني البسها ليكي ..؟؟
– انا عايزه خاتم
ماما : قولتلك بنتي رخمه وهتتعبك
– يماما انا اللي بنتك مش هوا والله.
ماما : ريحي ابني وخدي الدبله
– مديت ايدي .. هاا يا سيدي خلصنا يلا.شخابيط حنان محمد <حنان محمد >
مصطفي اخدت الدبله ولبستها ليها وكان قلبي بيرفرف حقيقي خوفت احضنها تضربني ، يلا نرقص وانت ياعم راعي شعوري مقضيها حب وانا جعفر اللي معايا مطلع عيني
شخابيط- حنان محمد
– بتقول حاجه يا صاصا
: لا يا حبيبتي هوا انا اقدر
نرقص ..؟؟
– وهتمسك ايدي
: شديت ايدها وطلعت ارقص معاها هرقص معاكي ازاي كدا امسك ايدك بمنديل ..؟؟
– ياريت
: انتي هبله صح ، تعالي يابنتي بدل ما اقتلك
كان واقف واحمد ونهال بيرقصوا وكان شكلهم جميل كان مصطفي واقف وبيبص عليا
: مش هنرقص ولا هنبص من بعيد لبعيد
– الدبله حلوه
: حلوه عشان لبستيها
– بس بقي بتكسف
: طيب يلا نرقص
اشتغلت الاغنيه وكنت فرحانه بيه وهوا بيبص ليا نفس نظره احمد لنهال ويمكن اكتر ماما بتحبه ,ودا مريحني انا مش غيرانه خاالص حبيت انه قدر يختلط بيها كنت دايما بتمني اشوفه واسمعه ,ويعيش معانا كنت هخلي حياته احلي واحسن ودلوقت هوا بينا انا فرحانه اووي
: يابنتي عايزانا نروح المستشفي
– اه انا عايزه اروح يلا بس بسرعه
وصلت للمستشفي ولقيتها واقفه ومستنياني
– ازيك يامريم
: انتي جيباني ليه ياحنان بس
– انا اتخطبت وبكرا هنكتب الكتاب يا مريم
مريم: مبروك ، بابا رجعكوا الشغل كلكوا وانا هسافر
– اها ربنا يوفقك
سيبتها وروحت لساره وقولت ليها اتخطبنا وان هيا لازم تزورنا لما تطلع
مصطفي : انتي جايه هنا ليه
– عشان اطمن عليهم
مصطفي : ياراجل قولي كلام غير دا
– مش مصدقني ..؟؟
مصطفي : طبعا لا
– اهم حاجه الثقه اللي مابينا دي
مصطفي بضحك : بحبك والله
– يلا بقي عشان نروح
كنا مروحين وجيبنا عربيه كنت فرحانه بيها وبيه وبنجاحه وانه بيحقق احلامه مصطفي احلي حاجه حصلت ليا بجد
ماما : يلا يابنتي نهال واحمد خلصوا وكتبوا الكتاب وانتي لسه مخلصتيش لبس
– عروسه واتاخر براحتي عندكو مانع
مصطفي : ربع ساعه بس وهوريكي تتكلمي معايا ازاي
– خلاص مش متجوزه
مصطفي : لا مش متجوزه ايه دا انا طلع عيني لما وصلتلك قومي ياختي ربنا يهديكي قومي
كتبنا الكتاب وكان لازم يا اغني اغنيه او يحضني
– انا هغني
مصطفي : انا عارف ان صوتك وحش وخايف عليهم تعالي بقي
– لا انا هغني
: حنان انتي رخمه
– طلعت ليه لساني ..هغني بردو
بيني وبينك حاجه محدش لسه قابلها.
كلمه تقولها وانا بكملها.
نفس اللحظه اللي ازعل فيها انت بتزعلها.
بيني وبينك حاجه محدش لسه عارفاها.
وانا معرفش دي ايه دي تعريفها.
حتي الحاجه اللي اسرح فيها انت بتعرفها.
مابين الحبايبب شوق تعالا ياحبيبي ندوق.
الحب اللي خدنا لفوق من اول سلام.
في عيوني وعيونك دول اهو بان الهوي علطول.
من غير يا حبيبي ماتقول انا فاهم كلامك 
.
.كنت لسه بخلص الاغنيه وقام وحضني بردو
– هشتكي عليك علفكره
مصطفي
ولااا انت نمت
: وحشتيني
– انا قدامك بقالي سنه وحشتك فين
: انا غلطان
– اه وابعد كدا
:لا انا مرتاح كدا سبيني بس
– دكتور مصطفي
: عيونه
– بحبك
: احلفي
– احلف ايه يابني ، وبعدين دي مره وخلاص خلصنا
: بندا
– ياروحها
: لا محن ونحنحه مش عايز
– القهوه ساخنه صح
مصطفي بضحك : بحبك والله
– دكتوري الحلو
: او مريضك الحلو بردو ايهما اقرب
– لا بقيت جوزي الحلو
#حنان محمد
النهايه 
اتمني انها تكون خفيفه علي قلب كل حد قراها ، واتمني منسيبش حد بدون سبب ، ومنعلقش حد بحبال دايبه ونقول ماهوا هيدوم كل واحد وليه قدره تحمل والحب مع اهمال بيتحول لكره ، دمتم بخير
